• Decrease font size
  • Reset font size to default
  • Increase font size
Живеј здраво, храни се правилно!
Брокула – здрав зеленчук за трудниците

Многу истражувања ги докажале позитивните ефекти на брокулата врз здравјето на организмот. Овој зелен зеленчук се почесто е присутен и на нашата трпеза. Тој содржи многу здрави и лековите нутритиенти.

Брокулата е богат извор на витамини и минерали, како и на други лековити состојки. Од витамини најмногу содржи витамин А, Ц и Е, а од минерали содржи: калциум, магнезиум, железо, бетакаротен, фолна киселина.

Особено е важно брокулата да се внесе во исхраната за време на бременоста, кога на организмот му е потребна посилна исхрана богата со витамини, минерали и соли. Брокулата е богата со калциум и со магнезиум, кои се важни за формирање на коските, забите и ноктите на фетусот. Богата е со железо, а со редовно внесување на брокулата се спречува и слабокрвноста во организмот. Таа содржи железо и фолна киселина, која е неопходна во првите 12 недели од бременоста, а содржи и спектар од Б-витамини.

Брокулата е јак антиоксиданс, кој го штити организмот од штетното дејство на слободните радикали. Таа го детоксицира организмот.

Детоксикацијата е процес на чистење на организмот од отрови (токсини), кои го намалуваат имунитетот и ја зголемуваат веројатноста од заболување. Според тоа, брокулата е одличен природен лек кој го зајакнува имунитетот. Со зајакнувањето на имунолошкиот систем во организмот, тој успешно се бори против инфекциите и другите штетни влијанија врз организмот.

Брокулата го превенира настанување на многу заболувања, влучувајќи ги и малигните болести. Таа го одржува организмот во одлична психичко - физичка кондиција.

 

Прочитајте и: