• Decrease font size
  • Reset font size to default
  • Increase font size
Новости од областа на канцерот
P-Rex1 протеинот – клучен за метастазирањето на меланомот

Научниците од „UNC Lineberger Comprehensive Cancer Center“ се дел од тимот кој го идентификувал протеинот наречен P-Rex1, кој е клучен за делбата и преживувањето на клетките наречени меланобласти. Кога овие клетки ќе почнат неконтолирано да растат и да се делат, се развива меланом.

Меланомот е најмалиген облик на кожен карцином и е најчеста причина за смрт од кожен карцином. Метастазирањето на меланомот е главна причина за смрт од меланом.

Честотата на меланомот е во постојан пораст. Инциденцата на меланомот кај жените помлади од 30 години се зголемила за 50% од 1980 година. Во 2008 година, во светот имало 200.000 нови случаи со метастатски меланом , споредено со 160.000 во 2002 година. Помалку од еден од четири пациенти со метастатски меланом се очекува да бидат живи една година по дијагностицирањето на болеста Во светот секоја година од меланом умираат 40.000 лица.

Тимот на истражувачи открил дека лабораториските глувци кај кои недостасува P-Rex1 протеинот, се отпорни на метастазирање на меланомот. Кога истражувачите ги тестирале човечките меланомски клетки, откриле зголемено ниво на P-Rex1 протеинот кај повеќето случаи- доказ дека овој протеин игра важна улога во ширењето на овој опасен кожен карцином. Нивните откритија неодамна се објавени во списанието „Nature Communications“.

„Ние знаеме дека мутациите на генот наречен BRAF се важни за развој на меланомот. Мутациите на BRAF генот се смета дека се присутни кај околу половина од меланомите и кај 8% од солидните тумори. Пред неколку години објавивме колаборативен документ со 82 протеини кои се чини дека влијаат на овој генетски пат. Од таа листа, ние се фокусиравме на P-Rex1 во соработка со Dr. Nancy Thomas од UNC и истражувачите во Велика Британија“, изјавил Dr. Channing Der, член на UNC истражувачкиот тим.

Лекот, одобрен ова лето, vemurafenib, е првиот третман насочен кон мутацијата BRAF. Клиничките испитувања покажаа дека овој третман овозможува значително продолжување на преживувањето кај пациентите со BRAF мутација.

 

Најчитани наслови