Дознајте зошто хељдата е прогласена за „суперхрана“
Хељда (Fagopyrum esculentum) е многу здрава намирница, која кај нас ретко се користи во секојдневната исхрана. Иако спаѓа во помалку заборавените намирници, хељдата некогаш, покрај компирот, била основна храна на селаните. Таа е многу едноставна за одгледување, бидејќи успева на сирмашна, изразито песоклива и влажна земја.
Многу лекари докажале дека хељдата е идеална намирница за приготвување на природно здрави и диетални јадења. Таа помага и во лекување на многу здравствени проблеми.
Белковините од хељдата се поквалитетни од белковините на другите житарици и полесно се сварливи. Таа е многу корисна за органите за варење. Го подобрува варењето на храната и работата на цревата.
Хељдата содржи и витамин Б1 и Б2, како и витамин П, кој е одличен за јакнење на крвните садови. Чајот од лист и цвет на хељда се користи како превентива и лековито средство кај атеросклерозата, која е последица од зголемен крвен притисок. Затоа хељдата им се препорачува на пациентите со кардиоваскуларни заболувања и висок крвен притисок.
Хељдата ги ублажува несаканите ефекти од хемотерапијата или радиотерапијата.
Истражувањата покажале дека застапеноста на оваа намирница во секојдневната исхрана помага во превенцијата на шеќерната болест и болестите на кардиоваскуларниот систем.
Чајот од хељда го подобрува памтењето и концентрацијата, па затоа ја нарекуваат идеална храна за мозокот.
Народната медицина ја препорачува хељдата при лекување на ревматизам, глауком и шеќерна болест.
Чајот од цветовите на хељда има лековито дејство на дишните патишта и белите дробови, а мешавината од листови и цветови од хељда е природен лек против атеросклероза на крвните садови.
Чајот од семето на хељда е корисен при несоница и вознемиреност.
Чај за лекување на атеросклерозата и јакнење на отпорноста на капиларите
- 2 чајни лажички осушена билка
- 2 децилитри вода
Припремање: со зовриена вода прелијте ја осушената билка. Поклопете го садот и оставете го да одстои 15 минути. Потоа процедете го и пијте по 2-3 шољички чај денвно. За добар резултат, терапијата со чајот би требала да трае 4-8 недели.
Хељда (Fagopyrum esculentum) – здрава житарица
Хељдата е многу здрава житарица, која кај нас ретко се користи во секојдневната исхрана.
Еве 10 причини зошто е потребно да ја вклучиме хељдата во исхраната
- Белковините од хељдата се поквалитетни од белковините на другите житарици и полесно се сварливи. Хељдата содржи и витамин Б1 и Б2, како и витамин П, кој е одличен за отпорноста на крвните садови. Чајот од лист и цвет на хељда се користи како превентива и лековито средство кај атеросклерозата, која е последица од зголемен крвен притисок.
- Хељдата е една од најмедоносните билки. Дава 90 килограми мед по хектар. Пчелите често слетуваат на нејзините цветови. Медот од хељда е многу квалитетен и ценет. Каде има мед, таму е и витаминот Д.
- Ниедна друга житарица не содржи толкави количини на минерали како што содржи хељдата Таа е вистинска ризница на калиум, фосфор, калциум, магнезиум, натриум, железо, никел, кобалт, јод, бакар.
- Чајот од хељда помага во регулирањето на крвниот притисок, ги подобрува памтењето и концентрацијата, помага при ревматизам, глауком, дијабет.
- Семето од хељда може да биде одлична замена за оризот.
- Од семето на хељдата се прави исклучително хранливо црно брашно, кое може да се користи за правење на леб и други пецива.
- Во 100 грама плодови на хељда има 335 калории, 72% јагленохидрати, 12% белковини, 2,4% растително масло, 25% расителни влакна (добри за намалување на телесната тежина).
- Хељдата има извонредна нутриционистичка и фармаколошка вредност. Таа помага во превенција и лекување на слабокрвноста (анемија).
- Плодот на хељдата е вкусен во сите комбинации.
- Многу лекари докажале дека хељдата е идеална намирница за приготвување на природно здрави и диетални јадења.